काठमाडौं । परराष्ट्र मन्त्रालयका सहसचिव पुष्पराज भट्टराई पक्राउ परेका छन् ।
भट्टराईलाई प्रहरीको केन्द्रीय अनुसन्धान ब्यूरो (सीआईबी) ले सोमबार दिउँसो काठमाडौंको कागेश्वरी मनहरा नगरपालिकाबाट पक्राउ गरेको हो । सीआईबीका एसएसपी अनुपमशमशेर जबराका अनुसार भट्टराईलाई राहदानी ऐनअन्तर्गतको कसुरमा नियन्त्रणमा लिइएको हो ।
प्रहरीका अनुसार भट्टराईले २०६८ सालमा राहदानी ऐनविपरीतको कसुर गरेको अनुसन्धानबाट खुलेको थियो । सोही घटनासम्बन्धी उनीविरुद्ध २०८२ चैतमा जिल्ला अदालतमा मुद्दा दर्ता गरिएको थियो ।
पक्राउ परेका भट्टराईलाई आवश्यक कानुनी प्रक्रिया पूरा गरी अदालतमा उपस्थित गराउने तयारी भइरहेको प्रहरीले जनाएको छ ।
