काठमाडौं । संघीय संसद अन्तर्गत रहेका विभिन्न तीनवटा समितिको बैठक बस्दैछ । आज शिक्षा, स्वास्थ्य तथा सूचना प्रविधि समिति, विकास, आर्थिक मामिला तथा सुशासन समिति, सार्वजनिक नीति तथा प्रत्यायोजित विधायन समितिको बैठक बस्न लागेको हो । शिक्षा, स्वास्थ्य तथा सूचना प्रविधि समितिको बैठक दिउँसो २ बजे सिंहदरबारमा बस्नेछ ।
बैठकमा राष्ट्रिय चिकिस्सा शिक्षा ऐन, २०७५ को कार्यान्वयनको अवस्थाका बारेमा छलफल गर्ने कार्यसूची रहेको छ । बैठकमा स्वास्थ्य तथा खाद्य स्वच्छता मन्त्री, शिक्षा तथा खेलकुद मन्त्री, स्वास्थ्य तथा खाद्य स्वच्छता मन्त्रालयका सचिव, शिक्षा तथा खेलकुद मन्त्रालयका सचिव र चिकित्सा शिक्षा आयोगका उपाध्यक्षलाई आमन्त्रण गरिएको छ । यस्तै, विकास, आर्थिक मामिला तथा सुशासन समितिको बैठक बिहान ११ बजे सिंहदरबारमा बस्दैछ ।
बैठकमा समितिको आर्थिक वर्ष २०८३–०८४ को वार्षिक कार्ययोजना सम्बन्धमा छलफल गर्ने कार्यक्रम छ । यसैगरी, सार्वजनिक नीति तथा प्रत्यायोजित विधायन समितिको बैठक बिहान साढे ११ बजे सिंहदरबारमा बस्नेछ । बैठकमा केन्द्रीय इतिहास विभाग, त्रिभुवन विश्वविद्यालय, कीर्तिपुरका पदाधिकारीहरुसँग छलफल गर्ने कार्यसूची रहेको छ । बैठकमा त्रिभुवन विश्वविद्यालय केन्द्रीय इतिहास विभागका विभागीय प्रमुखलाई आमन्त्रण गरिएको छ ।
