काठमाडौं । तनहुँ, आँबुखैरेनी गाउँपालिका-१ बरादीस्थित सडकमा डुम्रेबाट आँबुखैरेनीतर्फ आउँदै गरेको बाग्मती प्रदेश ०२-०१७ प.१३१० नम्बरको मोटरसाइकल बुधबार दिउँसो दुर्घटना हुँदा चालक बर्दिया मधुवन नगरपालिका-६ बस्ने २५ वर्षीय अनिल पौडेलको मृत्यु भएको छ । दुर्घटनामा गम्भीर घाइते भएका उनको सिएमसि अस्पताल भरतपुर चितवनमा थप उपचारको क्रममा मृत्यु भएको हो ।
कास्की, पोखरा महानगरपालिका-१५ ढुँगेसाँघुस्थित सडकमा ग.१ ज ८२५० नम्बरको हायस र ग.१३ प ६०२९ नम्बरको मोटरसाइकल एकआपसमा ठक्कर खाई दुर्घटना हुँदा मोटरसाइकल चालक सोही महानगरपालिका-१५ टुटुङ्गा बस्ने १९ वर्षीय सौगात भन्ने लोक बहादुर गुरूङको मृत्यु भएको छ । बुधबार राति भएको उक्त दुर्घटनामा गम्भीर घाइते भएका उनको मणिपाल शिक्षण अस्पतालमा थप उपचारको क्रममा बिहीबार बिहान मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको पश्चिम क्षेत्रीय अस्पताल पोखरामा उपचार भइरहेको छ । हायस चालकलाई प्रहरीले नियन्त्रणमा लिएको छ ।
झापा, दमक नगरपालिका-४ भाईरल रोड संगम चोकस्थित सडकमा आम्दाबाट ताराबारीतर्फ जाँदै गरेको प्रदेश १-०२-००२ च ५४८२ नम्बरको कारको ठक्करबाट साइकलयात्री सोही नगरपालिका-३ बस्ने ५३ वर्षीय रन बहादुर बिष्टको मृत्यु भएको छ । बुधबार साँझ भएको उक्त दुर्घटनामा गम्भीर घाइते भएका उनको बिएण्डसी अस्पताल बिर्तामोडमा थप उपचारको क्रममा बिहीबार बिहान मृत्यु भएको हो । कारले ठक्कर दिँदा साइकल अनियन्त्रित भई प्रदेश १-०१-०१५ प १४४ नम्बरको मोटरसाइकलमा समेत ठक्कर खाई दुर्घटना भएको थियो । साथै दुर्घटनामा घाइते भएका मोटरसाइकल चालकलाई थप उपचारको लागि बिर्तासिटी अस्पताल बिर्तामोड रिफर गरिएको छ । कार चालकलाई प्रहरीले नियन्त्रणमा लिएको छ ।
पाल्पा, तिनाउ गाउँपालिका-३ छहरागैरास्थित सडकमा बुटवलबाट तानसेन पाल्पातर्फ जाँदै गरेको लु.२ ख १७१९ नम्बरको टिपर अनियन्त्रित भई बुधबार राति दुर्घटना हुँदा चालक सोही गाउँपालिका-३ सिसुवा बस्ने ३५ वर्षीय हेम बहादुर लम्तरीको मृत्यु भएको छ । दुर्घटनामा गम्भीर घाइते भएका उनको मर्सिटी अस्पताल बुटवलमा उपचारको क्रममा मृत्यु भएको हो ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
