काठमाडौं । माइक्रोसफ्टले विन्डोज ११ का लागि नयाँ Optional Update सार्वजनिक गरेको छ, जसले अपरेटिङ सिस्टमलाई अझ छिटो र सहज बनाउने जनाइएको छ । यो अपडेटमा “Low Latency Profile” नामक नयाँ फिचर समावेश गरिएको छ, जसले केही परिस्थितिमा पीसीको कार्यक्षमता सुधार गर्दै सिस्टमलाई अझ बढी responsive बनाउने कम्पनीको दाबी छ ।
विन्डोज सेन्ट्रलका अनुसार यो अपडेट माइक्रोसफ्टको गोप्य “Windows K2 Project” अन्तर्गत आएको पहिलो कदम हो । उक्त प्रोजेक्टको मुख्य उद्देश्य सन् २०२७ सम्म विन्डोज ११ को कार्यक्षमता निरन्तर सुधार गर्दै प्रयोगकर्ता अनुभवलाई अझ उत्कृष्ट बनाउनु हो ।
नयाँ अपडेटले एप लन्च गर्ने गति तथा कोर सिस्टम अनुभवलाई अझ छिटो बनाउने बताइएको छ । साथै Start Menu, Search र Action Center जस्ता प्रमुख फिचरहरू पनि बढी उत्तरदायी (responsive) हुने जनाइएको छ । यो सुधार “Low Latency Profile” नामक फिचरमार्फत गरिएको हो ।
कुनै महत्वपूर्ण काम सुरु हुँदा यसले केही सेकेन्डका लागि CPU लाई पूर्ण क्षमतामा सञ्चालन गरेर प्रदर्शन (performance) मा वृद्धि गर्छ । यसले सिस्टममा हुने lag र stutter कम गर्न मद्दत गर्ने तथा पीसीलाई अझ स्मूथ रूपमा चलाउने बताइएको छ ।
माइक्रोसफ्टका अनुसार यो फिचर macOS र Linux मा पहिलेदेखि प्रयोग हुँदै आएको प्रविधिसँग मिल्दोजुल्दो छ, जसले सिस्टमलाई छिटो र बढी responsive बनाउने काम गर्छ ।
यसरी गर्न सकिन्छ अपडेट ?
यो अपडेट हाल optional तथा preview stage मा रहेकाले सबै प्रयोगकर्ताको डिभाइसमा स्वतः इन्स्टल हुँदैन ।
यदि तपाईंले अहिले नै प्रयोग गर्न चाहनुहुन्छ भने:
– Settings खोल्नुहोस्
– Windows Update मा जानुहोस्
– Advanced options → Optional updates चयन गर्नुहोस्
– KB5089573 अपडेट छनोट गरी इन्स्टल गर्नुहोस्
माइक्रोसफ्टले जनाएको छ कि विन्डोज ११ को यो नयाँ अपडेट सबै प्रयोगकर्तामा क्रमिक रूपमा उपलब्ध भइरहेको छ । त्यसैले अपडेट इन्स्टल गरेपछि performance boost तुरुन्तै नदेखिन सक्छ । सुधार अनुभव गर्न केही हप्ता लाग्न सक्ने कम्पनीले जनाएको छ ।
“Low Latency Profile” बाहेक यो अपडेटमा audio performance, Task Manager तथा Camera app मा पनि सुधार गरिएको छ । माइक्रोसफ्टका अनुसार यसको पूर्ण rollout जुन २०२६ सम्म सम्पन्न हुने अपेक्षा गरिएको छ ।
