नेपालगञ्ज १३ औं अन्तराष्ट्रिय महिनावारी दिवसको अवसरमा आज नेपालगञ्जमा महिला तथा किशोरीहरुलाई महिनावारी चक्रबारे अभिमुखिकरण दिनुका साथै ब्रासलैट बितरण गरिएको छ ।
एफकेबी यूकेको सहयोग तथा बास नेपालको आयोजनामा सञ्चालीत नेपालमा बसोबास गर्ने महिला तथा किशोरीहरुलाई महिनावारी स्वच्छता तथा ब्यवस्थापन परियोजनाले उक्त दिवसमा एक कार्यक्रमको आयोजना गरि महिला तथा किशोरीहरुलाई महिनावारी चक्रबारे अभिमुखिकरण प्रदान गर्नुका साथै ब्रासलेट बनाएर बितरण गरिएको हो ।
३० जना सहभागीहरु उपस्थित रहेको अभिमुखिकरणमा परियोजना ब्यवस्थापक रमिता शाह र शिक्षा पर्सन मिना घर्तिमगरले महिना चक्रबारे सहभागी महिला तथा किशोरीहरुलाई सहजीकरण गरेका थिए ।
महिनावारी चक्रबारे अभिमुकिरण पश्चात सहभागीहरुलाई ब्रासलेट बनाउने तालिम दिईयो भने तालिम पश्चात उनीहरुले बनाएका ब्रासलेट सहभागीहरुलाई बितरण गरिएको थियो ।
बास नेपालका निर्देशक हेमराज भट्टले सहभागीहरुलाई ब्रासलेट बितरण गरेका थिए ।
