काठमाडौं । कैलाली, धनगढी उपमहानगरपालिका-४ बोराडाँडीस्थित त्रिभुवन चोक पछाडी सोही उपमहानगरपलिका-४ बस्ने तारा देवी गरतौलाले संचालन गरेको सिघादेवी अटो मर्मत सेन्टर तथा सप्लायर्समा विद्युत सर्ट भई गए राति आगलागी भएको छ । आगलागीबाट भएको क्षतिको विवरण हाल खुलेको छैन ।
पर्सा, छिपहरमाई गाउँपालिका-२ टिउकी बस्ने धर्मदेव साह कानुको घरमा विद्युत सर्ट भई गए राति आगलागी हुँदा करिब ६ लाख रूपैयाँ बराबरको धनमाल जलेर नष्ट भएको छ ।
बारा, विश्रामपुर गाउँपालिका-१ कल्याणपुर बस्ने ५५ वर्षीय भिखारी राउत कुर्मीको उखु बारीमा आइतबार दिउँसो आगलागी हुँदा करिब १ लाख रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ । (समाप्त)
