एजेन्सी । इंग्लिस क्लब आर्सनलले २० वर्षपछि फेरि च्याम्पियन्स लिगको फाइनलमा स्थान बनाएको छ। सेमिफाइनलको दोस्रो लेगमा बुकायो साकाले गरेको एकमात्र गोल निर्णायक सावित भयो। यस गोलले एथ्लेटिको म्याड्रिडलाई समग्र स्कोर २-१ ले पराजित गर्दै आर्सनललाई फाइनलमा पुगेकाे छ ।
गत सिजन मिकेल आर्टेटाको टोली सेमिफाइनलमा साविक विजेता पेरिस सेन्ट-जर्मेनसँग पराजित भएको थियो। तर यसपटक तुलनात्मक रूपमा सजिलो प्रतिद्वन्दी मानिएको स्पेनिश क्लब एथ्लेटिकोलाई हराउँदै आर्सनलले च्याम्पियन्स लिगको फाइनलमा स्थान सुरक्षित गर्यो। यससँगै उनीहरूले प्रिमियर लिग र च्याम्पियन्स लिग दुबै उपाधि जित्ने सम्भावनालाई पनि कायम राखेका छन्। पहिलो लेगमा १-१ को बराबरी भएपछि, मंगलबार एमिरेट्स स्टेडियममा भएको दोस्रो लेगको सुरुआत तनावपूर्ण रह्यो। सुरुवाती समयमा स्पष्ट अवसरहरू कम मात्र देखिएका थिए। तर खेलको ४४औँ मिनेटमा साकाको गोल निर्णायक सावित भयो। जान ओब्लाकले लिएन्ड्रो ट्रोसार्डको प्रहार रोक्दा आएको रिबाउन्डलाई साकाले गोलमा परिणत गरे। एथ्लेटिकोले पनि केही अवसरहरू सिर्जना गर्यो। पहिलो हाफमा जुलियानो सिमेओनेलाई रोक्न डेक्लान राइसले अन्तिम क्षणमा उत्कृष्ट ट्याकल गर्नुपरेको थियो। दोस्रो हाफमा सिमेओनेले डेभिड रायालाई छल्दै बराबरी गोल गर्न खोज्दा गाब्रिएलले उत्कृष्ट बचाउ गर्यो।
आर्सनलसँग ग्योकेरेस मार्फत अग्रता दोब्बर पार्ने सुनौलो मौका पनि आएको थियो, तर वैकल्पिक खेलाडी पिएरो हिन्कापिएले दिएको पासमा प्रहार गर्दा बल लक्ष्यबाट बाहिर गयो। यद्यपि त्यो मौका चुक्यो, आर्सनलले एथ्लेटिकोलाई दबाबमा राख्दै २००६ पछि पहिलो पटक च्याम्पियन्स लिग फाइनलको यात्रा तय गर्यो। अब आर्सनलले मे ३० मा बुडापेस्टमा हुने फाइनलमा बायर्न म्युनिख वा पिएसजीसँग उपाधिका लागि प्रतिस्पर्धा गर्नेछ। पहिलो पटक प्रतिष्ठित च्याम्पियन्स लिग उपाधि जित्ने लक्ष्यमा आर्सनल मैदानमा उतर्ने तयारीमा छ।
