चितवन । राष्ट्रिय स्वतन्त्र पार्टी (रास्वपा)का सभापति रवि लामिछानेले रास्वपाले बोक्नुपर्ने र ठोक्नुपर्ने कुनै उद्योगी व्यवसायी नरहेको स्पष्ट पारेका छन् ।
भरतपुर महानगरपालिका वडा नं ११ को घरदैलोको अवसरमा मतदातासँगको भेटमा सभापति लामिछानेले लगानी गर्न, नाफा कमाउन, रोजगारी सिर्जना गर्न र लगानी बढाउन उद्योगी व्यवसायी स्वतन्त्र रहेको बताए ।
उनले भने- ‘उद्योगी व्यवसायीलाई मेरो आग्रह छ– लगानी गर्नुस्, नाफा कमाउनुस्, रोजगारी सिर्जना गर्नुस् अनि मुनाफाको ठूलो अंश फेरि लगानी गर्नुस् ।’
लामिछानेले मतदातालाई ढुक्क भएर रास्वपालाई मतदान गर्न पनि आग्रह गरे । ‘हामी सरकारमा हुँदा के गर्यौं देख्नु भएकै छ, हाम्रा सांसदहरुले संसदमा के गरे त्यो पनि देख्नु भएकै छ, त्यसैका आधारमा भोट दिनुस्, अब हामी थप काम गरेर देखाउँछौं।’
