काठमाडौं । राजसंस्था पक्षधरहरूले काठमाडौंमा प्रदर्शन गरेका छन्।
पूर्वराजा ज्ञानेन्द्र शाहलाई तेस्रो पटक राजा घोषणा गर्न माग गर्दै शाही युवा शक्ति नेपालको आयोजनामा प्रदर्शन गरिएको हो।
उनीहरूले निकालेको र्याली सामाखुसीबाट सोह्रखुट्टेतर्फ जान लाग्दा प्रहरीले रोकेको थियो। प्रहरीले रोकेपछि उनीहरूले वनस्थली गएर सभा गरेका थिए।
उनीहरूले ‘जेन–जी पुस्ता, राजा र जनता एक होऔँ’ भन्ने नारा लगाएका थिए। उनीहरूले गृहमन्त्री र प्रधानमन्त्रीविरूद्ध नारा लगाएका थिए।
