काठमाडौं । नेकपा माओवादी केन्द्रको महाधिवेशन आयोजक समितिको बैठकमा संयोजक प्रचण्डले १८ गते ७ कम्युनिस्ट पार्टीहरूबीच एकता सम्मेलन गर्ने जानकारी गराएका छन्।
शनिबार पेरिसडाँडामा बसेको बैठकमा अध्यक्ष प्रचण्डले १८ गते एकता सम्मेलन गर्न सम्पूर्ण तयारी पूरा भएको जानकारी गराएकाे छ।
आजको बैठकमा उपस्थित अन्य नेताहरूले एकता सम्मेलनको विषयमा फरक धारणा राखेका थिएनन् तर नेता जनार्दन शर्माले चार पेज लामो फरकमत राखेर पार्टी बैठक स्थलबाट बाहिरिएका छन्।
बैठकमा प्रचण्डले १८ गते एकता सम्मेलन हुने जानकारी गराउँदै त्यही अनुसार तयारी गर्नका लागि नेताहरूलाई निर्देशन दिएका थिए ।
बैठकमा नेता जनार्दन समूहले राखेको फरक धारणामा खासै छलफल भएको थिएन। माओवादी नेताहरूका अनुसार जनार्दनलाई छोडेर माओवादी जसरी पनि अन्य दलहरूसँग एकता गर्ने तयारीमा छ।
यस्तै एकीकृत समाजवादीसँगको एकता अघि केन्द्रीय समिति बैठक बस्नेत भएको छ । कात्तिक १७ गते बस्ने गरि केन्द्रीय समिति बैठक बोलाइएकोा नेता हरिबोल गजुरेलले जानकारी दिए ।
नेता हरिबोल गजुरेलका अनुसार प्रचण्डले बैठकमा भनेका थिए, ‘१७ गते महाधिवेशन आयोजक समितिको बैठक बसौँ। १८ गते एकता सम्मेलन गरौँ । यो निर्णयमा सबै साथीहरू एक ढिक्क भएर लाग्नुहुन्छ भन्ने मैले अपेक्षा गरेको छु।’
