काठमाडाैं । अफगान तालिबान र पाकिस्तानी सुरक्षा बलबीच जारी द्वन्द्वको विषयमा शुक्रबार कतारको राजधानी दोहामा वार्ता हुनेछ। तालिबानको सामाजिक सञ्जाल खाताबाट प्राप्त जानकारी अनुसार, रक्षामन्त्री मौलवी मोहम्मद याकूब मुजाहिदको नेतृत्वमा इस्लामिक इमिरेट्स अफ अफगानिस्तानको प्रतिनिधिमण्डल र पाकिस्तानका धेरै गुप्तचर तथा सुरक्षा अधिकारीहरूले शुक्रबार दोहामा वार्ता गर्नेछन्।
यद्यपि, पाकिस्तानले यस विषयमा अहिलेसम्म कुनै विस्तृत जानकारी साझा गरेको छैन। बीबीसी उर्दूका अनुसार पाकिस्तानका प्रधानमन्त्री शाहबाज शरीफले आफ्नो मन्त्रिपरिषद्लाई सम्बोधन गर्दै कतारले यो प्रस्ताव गरेको जनाएका छन्।
दक्षिणी अफगानिस्तानको कान्दाहार प्रान्तको स्पिन बोल्दाक जिल्लामा पाकिस्तानी सेना र तालिबान सरकारी सेनाबीच झडप भएको छ। पछिल्ला केही दिनमा सीमा क्षेत्रमा भएको झडपमा दुवै पक्षका धेरैले ज्यान गुमाएका छन् भने धेरै घाइते भएका छन्।
