काठमाडौं । चिनियाँ राष्ट्रपति सी जिनपिङले बुधबार बेइजिङको तियानमेन चोकमा आयोजित देशकै सबैभन्दा ठुलो सैन्य परेडमा विश्व अहिले ‘शान्ति वा युद्ध’ को विकल्पको सामना गरिरहेको चेतावनी दिएका छन्।
सैन्य शक्ति र कूटनीतिक प्रभाव प्रदर्शनका रूपमा गरिएको ७० मिनेट लामो परेडमा क्षेप्यास्त्र, ट्याङ्क, ड्रोनलगायत अत्याधुनिक हतियार प्रदर्शन गरियो। हेलीकोप्टरले विशाल ब्यानर तानेर उड्दा लडाकु विमान आकाशमा स्वरूप बनाउँदै उडे। कार्यक्रमको अन्त्यमा ८० हजार शान्ति पारा र रङ्गिन बेलुनहरू आकाशमा छोडिएको थियो।
_87lLcLZmVe.jpg)
माओ त्से तुङले लगाउने शैलीको सुटमा देखिएका राष्ट्रपति सीले खुला गाडीमा सैनिक निरीक्षण गर्दै उपस्थित ५० हजारभन्दा बढी दर्शकलाई सम्बोधन गरेका थिए।
उक्त अवसरमा प्रधानमन्त्री केपी शर्मा ओलीलगायत २० भन्दा बढी नेता उपस्थित थिए। राष्ट्रपति सीकी पत्नी पेङ लियुआनले पाहुनाहरूलाई स्वागत गरेकी थिइन्।
