एजेन्सी । इजरायलले इरानमाथि आक्रमण गरेको छ । शुक्रबार बिहानै इजरायलले यो आक्रमण गरेको हो । इजरायलका रक्षामन्त्रीले इजरायली फाइटर प्लेनले इरानमाथि आक्रमण गरेको जनाएका छन् ।
एक मिडिया रिपोर्टमा इजरायली आक्रमणमा परी इरानका चिफ अफ स्टाफ मोहम्मद बाघेरी मारिएका छन् । कतिपयले भने इरानले यो आक्रमणको जवाफ दिने अनुमान गरेका छन् ।
इजरायलका रक्षामन्त्री इजरायल काट्जले देशमा आपतकाल घोषणा गरेका छन् । त्यस्तै अर्को आदेश नआउन्जेलसम्मका लागि इजरायलले आफ्नो हवाई क्षेत्र बन्द गरिदिएको छ । उनले छिटै नै इरानले जवाफी आक्रमण गर्न सक्ने आशंका गरेका छन् ।तेहरानका स्थानीयले भने उनीहरूले ठूलो विस्फोटको आवाज सुनेको बताएका छन् ।
एक इरानी अधिकारीले भने इजरायली विमान रोक्न इरानको विमान उडेको जानकारी दिएका छन् । अर्का स्थानीयले भने इरानी सैन्य अखडामा आक्रमण गरिरहेको एक जेटलाई देखेको बताएका छन् ।
इजरायली सेनाले विद्यालय बन्द गरिएको घोषणा गरेको छ । त्यस्तै भीडभाड गर्न प्रतिबन्ध लागइएको छ । इजरायलमा अत्यावश्यकबाहेकका कार्यालयहरू बन्द गरिएका छन् ।
