काठमाडौं । चर्चित गायक तथा संगितकार लाक्पा तेञ्जी शेर्पाको “क्या राम्रो हाँस्यो मुसुक्कै” बोलको गीत भिडियो सहित सार्वजनिक भएसँगै दर्शक स्रोताको रोजाईमा पर्न थालेको छ ।
पछिल्लो समय नेपाली गीतसंगीतको क्षेत्रमा फरक विधाका नयाँ गीतहरु एकपछि अर्को गर्दै सार्वजनिक हुने क्रम रहेको छ । यसै क्रममा चर्चित गायक तथा संगीतकार लाक्पा तेञ्जी शेर्पाको क्या राम्रो हाँस्यो मुसुक्कै बोलको गीत सार्वजनिक गरिएको हो । उत्तम पौडेलको शब्द रचना रहेको उक्त गीतमा संगीत लाक्पा तेञ्जी शेर्पाको संगीत रहेको छ भने गीतमा आवाज लाक्पा तेञ्जी शेर्पा र चर्चित गायिका सुमिना लोको रहेको छ ।
गीतमा कोरस आवाज रामकुमार कार्की, रोशनी रसाईली र बिन्दु बिसीको रहेको छ । गीतको भिडियो तर्फ भने कृष्ण ब्लोनको निर्देनमा पाल्देन लामा र अस्मिता तामाङलाई मुख्य भुमिकामा देख्न सकिन्छ । भिडियोमा कोरस नृत्य भने छाम्जी शेर्पा, ङिमी शेर्पा, याङ्जुम शेर्पा, लाक्पा छिरीङ शेर्पा, सुस्मा लामा, बविना मगर, मोनिका पाख्रिन र मोनिका तामाङको रहेको छ ।
गीतको भिडियोमा शेर्पा र तामाङ्ग संस्कृतिलाई देखाउने जमर्कोका साथ भेषभुषा पनि त्यही अनुसारले प्रयोग गरिएको गायक तथा संगीतकार लाक्पा तेञ्जी शेर्पाले बताएका छन । उनी लामो समयदेखी गीतसंगीत क्षेत्रमा लागि परेका एक कुशल कलाकार हुन् । उनी आफै सुमधुर आवाजमा गीत गाउने मात्रै नभएर संगीत पनि आफै गर्ने गर्छन साथै टुङ्गना बादनमा समेत राम्रो दख्खल राख्दछन ।
उनले यसअघि थुप्रै गीतहरु बजारमा ल्याईसकेका छन् । काङ्लाङ मा कुङ्लुङ गाउँ जाने बाटो (मज्जाले नाचौँला) र ल्हासाको नम्बरी सुन राम्रो लगायतका गीतसंगित एकदमै लोकप्रीय छन ।
गीतको भिडियोमा शेर्पा केटा र तामाङ केटी बिचको ठट्यौली शैलीलाई प्रयोग गरेको पाईन्छ । कलाकार समाज परिवर्तनको संवाहक हुन् भने गीतसंगीत समाजको ऐना हुन् गीतसंगीतको माध्यमबाट समाजको कस्तो विषयवस्तुलाई कसरी उठान गर्ने भन्ने विषय गहन बिषय बन्ने गर्दछ । तसर्थ यस गीतको भिडियोमा कलाकार हरुले आफ्नो कला प्रस्तुत गरे संगै भेषभुषा र मौलिक बाजालाई समेत उत्कृष्ट ढंगले प्रस्तुत गरेको देखिन्छ ।
यस गीतको भिडियो छायांकन, सम्पादन तथा रंग सम्पादनको सम्पुर्ण प्राविधिक कामहरु भने निर्देशक कृष्ण ब्लोन गरेका छन ।
