काठमाडौं, १५ वैशाख रोल्पा, त्रिवेणी गाउँपालिका-२ दुईखोलीस्थित सडकमा घोराहीदेखि नुवागाउँतर्फ जाँदै गरेको ना.१ क ६९६८ नम्बरको टेलर सोमबार बिहान दुर्घटना हुँदा सहचालक दाङ घोराही उपमहानगरपालिका-११ हापपुर बस्ने २९ वर्षीय आयुष गिरीको घटनास्थलमै मृत्यु भएको छ ।
साथै दुर्घटनामा घाइते भएका चालकलाई उपचारको लागि राप्ति स्वास्थ्य विज्ञान प्रतिष्ठान घोराहीतर्फ पठाएको छ । धनुषा, लक्ष्मीनिया गाउँपालिका-७ कुमरौरास्थित सडकमा ढल्केबरबाट जनकपुरतर्फ जाँदै गरेको बा.१३ च २५१८ नम्बरको कारको ठक्करबाट साइकलयात्री सोही ठाउँ बस्ने ७३ वर्षीय बृजकिशोर चौधरीको सोमबार बिहान मृत्यु भएको छ ।
दुर्घटनामा गम्भीर घाइते भएका उनको जानकी हेल्थ केयर जनकपुरमा उपचारको क्रममा मृत्यु भएको हो । कार चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ
