एजेन्सी । संसारमै प्रथम पटक रोबोट हाफ–म्याराथन चीनको बेइजिङमा आयोजना सम्पन्न भएकाे छ । याे संसारकै प्रथम मानवजस्तै रोबोट हाफ म्याराथन मानिएकाे छ । म्याराथनमा पहिलो पटक रोबोट र मानवले छुट्टाछुट्टै ट्र्याकमा आफूलाई प्रस्तुत गरेका थिए । प्रतियोगितामा चीनभरका टोलीहरूबाट जम्मा २० वटा मानवोइड रोबोटहरूले भाग लिएका थिए ।
२१ किलोमिटर लामो मार्गमा उनीहरू सहभागिता जनाएका हुन् । उत्कृष्ट नतिजा प्राप्त गर्न, प्रत्येक टोलीले लामो दूरीको दौडको लागि आफ्नो रोबोटहरूमा धेरै मेहेनतका साथ सहभागिता जनाएका थिए । उक्त कार्यक्रमलाई आयोजकले केवल खेलकुद प्रतियोगिता मात्र नभइ मानवजस्तै रोबोटहरूको विश्वसनीयता, टिकाउपन र सुरक्षा जस्ता व्यापक क्षमताहरुको परीक्षणका रुपमा प्रस्तुत गरेको जनाएका छन् ।
ह्युमनोइड रोबोटहरूको लागि आठ स्टेसनहरू पनि स्थापना गरिएको थियो । जहाँ रोबोटहरूलाई ब्याट्री परिवर्तन गर्न अनुमति प्रदान गरिएको थियो । सो क्रममा ‘अटियांगोङ अल्ट्रा’ ह्युमनोइड रोबोटले आठ किलोमिटर प्रति घण्टाको गतिमा म्याराथनको विजेता बनेको थियो । सीसीटीभीप्लस
