काठमाडाैं । नेपाली जनताको लामो त्याग तपस्या, ठूलो संघर्षमय बलिदानबाट प्राप्त गरेका सीमित हक अधिकार पनि प्रतिगामी शक्तिलाई मान्य नहुने गरेको स्थिति नेपालको इतिहासमा पटक पटक दोहोरिने गरेको छ । ०७ सालको परिबर्तनको दिशालाई कुल्चिने काम त्यसको एक दशक पछि ०१७ सालमा भयो । २०४६ सालको परिबर्तन भएको १५ बर्ष पछि २०६१ सालमा पुनः त्यसलाई उल्टाउने कदम चालियो । त्यसपछि यता पछिल्लो पटक २०६२-६३ को जन आन्दोलनले अख्तियार गरेको राजनीतिक परिबर्तनको दिशालाई उल्टाउन र बिस्थापित राजतन्त्र पुनस्र्थापना गर्न प्रतिगामी शक्ति अहिले १८ बर्ष पछि पुनः जोडबल लगाउन थालेको छ ।
यस्तो चलखेल गर्ने आधारभूमि निर्माण गर्नमा भने पछिल्लो परिबर्तन पछि पटक पटक सत्तामा गएका मूल धारका यथास्थितिबादी दलहरुको भूमिका पनि कम छैन । हिजोको प्रतिगामी शक्तिले गर्ने जस्तै चरम भ्रष्टाचार, कमिशनखोरी, तस्करी र कालोबजारी जस्ता अस्वीकार्य र अमान्य बाटो हिड्ने तथा राष्ट्रिय स्वाधिनता, स्वाभिमान र सार्बभौमिकतामा समेत आँच आउनेसम्मका राष्ट्रहित बिपरीतका कृयाकलाप पनि यस बीच उन हुँदै आए । अनि आम नेपाली जनताका बेरोजगारी, अभाव, असुरक्षा र अनिश्चित भबिष्यका जल्दाबल्दा राष्ट्रिय समस्या हल गर्ने सही दिशा लिन नसकेको अबस्थामा बढ्दो ज असन्तुष्टी र आक्रोशको स्थिति पैदा भएको र बढ्ँदै आएको हो ।
यस्तै अबसरको ताकमा रहेको प्रतिगमनकारी एकल हिन्दूबादी गणतन्त्र बिरोधी शक्ति आफ्नो संकीर्ण स्वार्थको लागि बाह्य शक्ति खाशगरी भारतीय अतिदक्षिणपन्थी हिन्दूबादी सत्ताधारी शक्तिको समेत आड भरोसमा आफ्नो गुमेको बर्चश्व पुनः हत्याउन उद्यत हुन थालेको देखिएको छ । स्वघोषित राष्ट्रबादी शक्तिको यस्तो बिदेश आधारित गतिबिधिले बास्तविकता छर्लंग भएको छ ।
अर्कोतिर यस स्थितिप्रति गम्भीर चिन्ता र चासो नलिएको र आ–आफ्नै अहंकार र सत्ता स्वार्थमा चुर्लुम्म डुबेर स्थितिलाई हलुकारुपमा लिएको प्रतीत भइरहेको छ । यस स्थितिमा हामी बिगत १८ बर्षयताका आफ्ना गलत कृयाकलापको गम्भीर र निर्मम आत्म समीक्षा गर्दै तथा देश र जनता समक्ष सच्चिने र सुध्रिने दृढ प्रतिबद्धता जाहेर गर्दै प्रतिगमन बिरुद्ध राष्ट्र र जनताको पक्षमा दृढतापूर्बक खडा हुन नेपाल कम्युनिष्ट पार्टी यतिबेला बिशेष जोड दिन्छ ।
प्रतिगमन र अग्रगमनको अहिलेको यस अन्तरबिरोधपूर्ण स्थितिमा नेपाली जन आन्दोलनका आजसम्मका सम्पूर्ण बीर शहीदहरु तथा अग्रज मागर्ददर्शक एबं योद्धाहरुलाई स्मरण र सम्मान गर्दै आजको अनिबार्य नयाँ बिकल्प – अर्थात शोषित उत्पीडित जनताको प्रतिनिधित्व गर्ने निष्ठाबान कम्युनिष्ट, बापन्थी तथा देशभक्त जनतान्त्रिक शक्तिहरुको राज्यब्यवस्था – जन गणतन्त्र हुँदै उच्च समाजबादी गणतन्त्रको बाटोमा एकताबद्ध र संघर्षशील हुँन सम्पूर्ण सच्चा क्रान्तिकारी कम्युनिष्ट, बामपन्थी तथा देशभक्त लोकतान्त्रिक शक्तिहरुलाई नेपाल कम्युनिष्ट पुनः बिशेष पार्टी आह्वान गदर्छ ।
साथै गएको चैत्र १५ गते तीनकुने र कोटेश्वरको आसपासमा राजाबादी शक्तिको उग्र उद्दण्डता र सरकारको सुझबुझहीनता अदुर्दशीता र दमनकारी गतिबिधले गर्दा हत्या, हिंसा, आगजनी र लूटपाट जस्ता अप्रिय घटना घटाइएको र अनाहक एक सञ्चारकर्मी सहीत दुइजना यूवाहरु ब्यर्थमा ज्यान गुमाउनु परेको यथार्थ छाबिन गरी जन समक्ष ल्याउन, दोषीलाई कडा कारबाही गर्न र सम्बन्धित पीडितलाई क्षतिपूर्तिदिन समेत नेपाल कम्युनिष्ट पार्टी जोडदार माग गर्दछ ।
