काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक सुरु भएको छ ।
पार्टी केन्द्रीय कार्यालयमा बैठक केहीबेर अघि सुरु भएको हो ।
बैठकमा सहभागी हुन पार्टी सभापति रवि लामिछाने पनि पुगेका छन् । सहकारी ठगी मुद्दामा प्रहरीले पक्राउ गरेपछि कार्यबाहक सभापतिको डीपी अर्याललाई तोकिएको थियो ।
पार्टीका कार्यबाहक प्रवक्ता मनीष झाका अनुसार आजको बैठकको नेतृत्व सभापति लामिछानेले गरेका छन् ।
बैठकमा पार्टी र सदनको गतिविधिबारे सदस्यहरूबाट संक्षिप्त रिपोर्टिङ प्रस्तुत हुने काबा प्रवक्ता झाले बताएका छन् ।
लिडरसिप एकेडेमीको फ्लो चार्ट, जन यात्रा कार्यक्रम, पार्टीको राजनीतिक प्रतिवेदनमा आधारित देशव्यापी जागरण र बहस, अधिवेशन/महाधिवेशन कार्यतालिका लगायतका विषयमा छलफल चल्ने जनाएको छ ।
