काठमाडौं । नेवाःहरुको साझा राष्ट्रिय संगठन नेवाः देय् दबूको आउँदो चैत्र महिनाको २१ र २२ गते सुदुरपश्चिम प्रदेशको कन्चनपुरमा हुन गइरहेको ८ औं महाधिवेशनका लागि देशभरी नै पालिकादेखि जिल्ला र प्रदेशमा अधिवेशन भइरहेको छ ।
यसैवीच नेवाः देय् दबूको स्वनिगः विशेष प्रदेश अन्तर्गत रहेका उपत्यकाका तीन जिल्लाका विभिन्न पालिकाकाहरु मध्ये चार वटा पालिकाको अधिवेशन एकै दिन माघ १२ गते शनिवार सम्पन्न भएको नेवाः देय् दबू स्वनिगः विशेष प्रदेशका अध्यक्ष श्रीकृष्ण महर्जनले बताउनु भएको छ ।
उहाँले शनिवार काठमाण्डौ जिल्लाको कागेश्वरी मनरहरा नगर समितिको पहिलो अधिवेशन, भक्तपुर जिल्लको भक्तपुर नगर समितिको दोस्रो अधिवेशन र ललितपुर जिल्लाको ललितपुर महानगर समिति साथै गोदावरी नगर समितिको दोस्रो अधिवेशन सम्पन्न भएको बताउनु भयो ।
ललितपुर महानगर समितिको दोस्रो अधिवेशनले विजयराज शाक्यलाई अध्यक्षमा सर्वसम्मतले चयन गरेको छ । बरिष्ठ उपाध्यक्षमा शर्मिला महर्जन, उपाध्यक्षहरुमा किरण महर्जन, मिली महर्जन, सचिवहरुमा सुरेन्द्र महर्जन, सुलक्ष्या महर्जन, कोषध्यक्षमा सवर्ण महर्जन र सदस्यहरुमा राम महर्जन, सुमित्रा श्रेष्ठ, भगवती महर्जन, धर्मलाल महर्जन, सनिष महर्जन, मिना महर्जन, समिकपुर महर्जन, दिनश महर्जन र मित्र महर्जन सर्वसम्मतले चयन गरेको छ ।
त्यसैगरी नेवाः देय् दबू गोदावरी नगर समितिको दोस्रो अधिवेशनले राम डंगोललाई अध्यक्षमा चयन गरेको छ । बरिष्ठ उपाध्यक्षमा उमेश लाल श्रेष्ठ, उपाध्यक्षहरु गजेन्द्र महर्जन, रिना माली, सचिव शानित डंगोल, कोषाध्यक्ष रामलाल महर्जन, सदस्यहरुमा राजेन्द्र देशार, रमण श्रेष्ठ, दशबहादुर महर्जन, शरण महर्जन, हरि महर्जन र राजन शाही सर्वसम्मतले चयन गरेको छ ।
नेवाः दय् दबू काठमाण्डौ जिल्ला अन्तर्गत रहेको कागेश्वरी मनहरा नगर समितिको पहिलो अधिवेशनले अध्क्षमा सन्तोष श्रेष्ठ, बरिष्ठ उपाध्यक्ष राजेन्द्र श्रेष्ठ, उपाध्यक्षहरु अनिल श्रेष्ठ, सम्झना श्रेष्ठ, सचिवहरु श्रीकुमारी श्रेष्ठ, सुशान्त श्रेष्ठ, कोषाध्यक्ष कृष्णमान श्रेष्ठ, सदस्यहरु कृष्ण श्रेष्ठ, सुदिप श्रेष्ठ, बालकृष्ण नगरकोटी, दिलबहादुर श्रेष्ठ, रोहन श्रेष्ठ, रंजित श्रेष्ठ रदिपेश श्रेष्ठलाई चयन गरेको छ ।
नेवाः देय् दबू भक्तपुर नगर समितिको दोस्रो अधिवेशनले अध्यक्ष कृष्ण प्रसाद प्रजापति , बरिष्ठ उपाध्यक्ष मिमला शर्मा, उपाध्यक्ष राम चन्द्र प्रजापति, सचिब बिश्व राम लागे, कोषाध्यक्ष बिष्णु लक्ष्मी प्रजापति सदस्यहरुमा सरिता प्रजापति, लक्ष्मी प्रसाद भैल, सुरज रन्जिकार, शुभान महमद नेवाः, नसिम महमद नेवाः नारयन प्रसाद कोजु, , सिताराम माकः सर्वसम्मतले चयन गरेको छ ।
नेवाः देय् दबू स्वनिगः विशेष प्रदेशले दिएको जानकारी अनुसार अहिले सम्ममा काठमाण्डौ उपत्यका भित्रका नगरहरु मध्ये दक्षिणकाली नगर समिति, गोकर्णेश्वर नगर समिति, तोखा नगर समिति, काठमाण्डौ महानगर समिति, महालक्ष्मि नगर समिति, बुढानिलकण्ठ नगर समितिको पनि अधिवेशन सम्पन्न गरी नयाँ नेतृत्व चयन भइसकेको छ ।
