काठमाडौं । सन् २०२५ मा हुने ओस्कार अवार्डको नियममा महत्वपूर्ण परिवर्तन गरेकाे छ । एकेडेमीको बोर्ड अफ गभर्नर्सले मार्च २ मा हुने ९७ औं ओस्कार समारोहका लागि नयाँ नियम स्वीकृत गरेको छ ।
प्रमुख विधाका नियममा परिवर्तन भएको छ । नयाँ नियमअनुसार एक साताअघि रिलिज भएका चलचित्र ओस्कारका लागि योग्य मानिने छैन ।
संगीतमा परिवर्तन
नयाँ नियम संगीतकारका लागि लाभदायक हुनेछ । अबदेखि तीनजनासम्म संगीतकारले व्यक्तिगतरुपमै ट्रफी प्राप्त गर्न सक्नेछन् । यसअघि सबै संगीतकारले सामूहिकरुपमा ट्रफी सेयर गर्नुपर्ने बाध्यता थियो । अब १५ देखि २० सम्म सर्टलिस्ट पनि घोषणा हुनेछ, जुन जनवरीमा आधिकारिक मनोनयनको मतदान अवधि सुरु हुनुअघि डिसेम्बरको अन्त्यमा घोषणा गरिनेछ ।
ड्राइभ–इन थिएटरमा देखाइएका चलचित्र योग्य नहुने
एकेडेमीले अब ड्राइभ–इन थिएटरलाई ओस्कार योग्यताका लागि योग्य ठाउँको रूपमा मान्यता दिनेछैन, जुन कोभिडकालमा इन्डोर फिल्म थिएटर बन्द हुँदा अस्थायीरुपमा अपनाइएको थियो ।
सर्वोत्कृष्ट चलचित्र विधामा परिवर्तन
सर्वोत्कृष्ट चलचित्रको मनोनयनमा पर्न सन् २०२३ को नियमका सर्त पूरा गरेको हुनुपर्छ, जसमा ६ अमेरिकी बजारका हलमा कम्तीमा सात दिन चलचित्र चलेको हुनुपर्छ । यसअनुसार ४५ दिनसम्म प्रमुख ५० अमेरिकी सहरमध्ये १० वटामा निरन्तर प्रदर्शन हुनुपर्नेछ । २४ जनवरी २०२५ सम्म प्रदर्शन भइसकेका फिल्मले मात्र सहभागिताको मौका पाउनेछन् ।
एनिमेटेड चलचित्र पनि समावेश
उत्कृष्ट अन्तर्राष्ट्रिय फिचर विधाको लागि योग्य एनिमेटेड चलचित्र पनि उत्कृष्ट एनिमेटेड फिचर विधामा समावेश गर्न सकिने भएको छ । तर यी दुवै विधामा छनोट हुन योग्य हुनुपर्नेछ । नेपालले पहिलेदेखि नै अन्तर्राष्ट्रिय फिचर विधामा भाग लिंदै आएको छ । यो नियमले नेपाली एनिमेटेड चलचित्रलाई पनि सहज भएको छ । तर चलचित्र छनोटका निम्ति योग्य हुनु पर्छ ।
पुरस्कारको नाम समेत परिवर्तन
यति मात्र होइन, गभर्नर अवार्डमा पनि केही परिवर्तन गरिएको छ । इरभिङ जी थालबर्ग मेमोरियल अवार्ड निर्माताको रचनात्मक निरन्तरता र गुणस्तरीय कार्य गरेबापत प्रदान गरिने भएको छ ।
अब ओस्कार अवार्ड थालबर्गको परम्परागत मूर्तिको सट्टा ओस्कार प्रतिमाको रुपमा दिइने भएको छ । मूर्तिको रुपमा दिइने भएको छ । यससँगै वैज्ञानिक र प्राविधिक विधाका दुई पुरस्कारको नाम पनि परिवर्तन गरिएको छ । जोन ए बोनर अवार्डको नाम परिवर्तन गरी ‘वैज्ञानिक तथा प्राविधिक सेवा पुरस्कार’ राखिएको छ ।
