एजेन्सी । अमेरिकाको बाल्टिमोरमा पानीजहाजले ठक्कर दिएपछि एउटा पुल नदीमा खस्दा ६ जनाको ज्यान गएको अनुमान गरिएको छ । हिजो जहाजको ठक्करबाट साढे दुई किलोमिटर लामो फ्रान्सिस स्कट पुलको आधा भाग नदीमा खसेको थियो ।
दुर्घटनापछि अमेरिकी तटरक्षक र मेरिल्याण्ड राज्यका बहु–एजेन्सीले खोज तथा उद्धार अभियान चलाइरहेका थिए । अब उनीहरुले खोजी कार्यलाई स्थगित गरेर उद्धारको काममा बढी जोड दिने बताएका बीबीसीले जनाएको छ । दुर्घटनामा केही व्यक्ति अझै हराएको हुन सक्ने प्रहरीको अनुमान छ ।
नदीमा डुबेकाहरु कोही पनि जीवित हुने सम्भावना नरहेको उद्दारकर्मीले बताएका छन् । लामो समयसमम पानीका डुबेको अवस्था र पानीको तापक्रमका कारण उनीहरुको जीवितै उद्दार गर्ने सम्भावना नरहेको उनीहरुको भनाई छ । पानीमा रहेका भग्नावशेषका कारण उद्धारको काममा कठिनाई भईरहेको प्रहरीले बताएका छन् ।
सिँगापुरको झण्डा अङ्कित यो पानीजहाज श्रीलङ्काको कोलम्बो जाँदै गरेको खबरमा उल्लेख छ ।
