नेपालगञ्ज – लुम्बिनी प्रदेशका सभामुख तुलाराम घर्ती मगरले प्रदेशले बनाएको कानुन केन्द्रले नबनाउँदा कार्यान्वयनमा समस्या भएको बताएका छन्।
नेपालगञ्जमा पत्रकारसंग कुरा गर्दै सभामुख घर्ती मगरले लुम्बिनी प्रदेशले प्रदेश प्रहरी ऐन र प्रदेश निजामती ऐन बनाए पनि केन्द्रमा यी ऐन नबन्दा कर्यान्वयनमा समस्या भएको बताए।
उनले लुम्बिनीले अबको हिउँदे अधिवेशनमा स्थानीय निजामती ऐन २०८० बनाउने जानकारी दिए। लुम्बिनीले पहिला ७२ वटा र पछि ४ वटा कानुन बनाइसकेको छ। उनले संघीयता नियन्त्रित संघीयताजस्तो रहेको बताउँदै स्वयत्तता नहुँदा अप्ठेरो परेको बताए।
सभामुख घर्ती मगरले प्रदेशको औचित्य सकिएको भन्ने बेला भइनसकेको बताए। उनले प्रदेशको सेवा प्रवाह सन्तोषजनक नभएको स्वीकार गरे।
