काठमाडौँ / ललितपुर महानगरपालिकाको फुटपाथ व्यवसाय हटाउने निर्णयबिरुद्ध १०८ मिनेट उभिएर विरोध गर्ने भन्दै आन्दोलन सुरु गरेका अभियन्ता ‘ई:’ ले प्रदर्शन स्थगन गरेका छन्। मंगलबार अपराह्न उनले प्रदर्शन सुरु गरेपछि स्थानीयहरुले अवरोध गरेका थिए।
स्थानीयले ई:को प्रदर्शनका क्रममा राखिएका प्लेकार्ड च्यात्नुका साथै उनलाई प्रदर्शन गर्न रोक लगाएका थिए।
मंगलबार अपराह्नदेखि ‘ई:’ ले ललितपुर महानगरपालिका कार्यालयअगाडि प्रदर्शन सुरु गरेका थिए।
स्थानीयहरुले सुरक्षाकर्मीहरुसँग प्रदर्शनकारीहरुलाई फुटपाथबाट हटाउन माग गरेका थिए। केही बेरको प्रदर्शनपछि ‘ई:’सहितका अभियन्तालाई प्रहरीले भ्यानमा राखेर जावलाखेल प्रहरी कार्यालय पुर्याएको थियो।
‘ई:’ले मंगलबार प्रदर्शन सकिएको भन्दै प्रहरीसँग सुरक्षाका विषयमा छलफल गरिरहेको प्रहरी कार्यालयबाट टेलिफोनमा बताएका छन्।
