काठमाडाैं । मानव अधिकार तथा शान्ति समाज काठमाडौं शाखाले मानव अधिकार दिवस १० डिसेम्बरका सन्दर्भमा आयोजना गरेको सप्ताहब्यापी कार्यक्रम मंसिर २३ गते सम्पन्न गरेको छ ।
२०८० मंसिर १७ गते अपांगता भएकाहरुका लागि अन्तर्राष्ट्रिय दिवसका सन्दर्भमा गोकर्णेश्वर स्थित स्वस्थ्य समाज नेपालमा आश्रयरत बौद्धिक अपांगता भएका ब्यक्तिहरुका लागि खाद्यान्न उपलब्ध गराएको थियो । सो अवसरमा आयोजित प्रभातफेरीमा समेत शान्ति समाज काठमाडौं शाखाको तर्फबाट सहभागिता जनाईएको थियो ।
यसैगरि २०८० मंसिर १८ गते मानव अधिकार दिवसका सन्दर्भमा गोकर्णेश्वर ६ स्थित लर्डस लाईट स्कूलमा अध्ययनरत १२५ भन्दा ज्यादा बिद्यार्थीहरुलाई विश्वब्यापी उष्णतालाई कमी गर्ने उपायका बारेमा चर्चा गरिएको थियो भने लागू औषध दूब्र्यशनका बारेमा समेत बिद्यार्थी माझ विशेष छलफल गरिएको थियो ।
यसैगरि २०८० मंसिर १९ गते विश्व स्वयंसेवक दिवसका सन्दर्भमा शान्ति समाज काठमाडौं शाखाको तर्फबाट वाग्मती सफाई गर्नुका साथै बृक्षरोपण र असहाय गाईबाछालाई भोजन खुवाउने काम समेत सम्पन्न भएको थियो । सप्ताहब्यापी कार्यक्रम अन्तर्गत २०८० मंसिर २० गते कागेश्वरी मनोहरा, मुलपानी स्थित बाल गितान्जली मा.बि.का कक्षा ९ र १० मा अध्ययनरत १२५ विद्यार्थीहरुका लागि विशेष चेनामुलक कार्यक्रम संचालन गरिएको थियो ।
यसै बीच २०८० मंसिर २१ गते भ्रष्टाचार बिरुद्ध अन्तर्राष्ट्रिय दिवसका सन्दर्भमा भ्रष्ट्राचार अन्त्यका लागि सामाजिक दायित्व विषयमा विशेष अन्तरक्रिया कार्यक्रम संचालन भएको थियो ।
उक्त कार्यक्रममा विभिन्न राजनीतिक पार्टीका प्रतिनिधि, समाजसेवी, नागरिक समाजका प्रतिनिधि, पत्रकार, शिक्षक लगायतका व्यक्तिहरुको उल्लेख्य सहभागिता रहेको थियो ।
यसै सन्दर्भमा २०८० मंसिर २२ गते सेलिब्रशेन कोएडमा कक्षा ९ र १० मा अध्ययनरत बिद्यार्थीहरुका लागि १ घण्टा लामो विशेष कक्षा संचालनगरिएको थियो । कार्यक्रममा बिद्यार्थीहरु माझ मनोबैज्ञानिक तवरमा लागू औषध दूब्र्यशन र सफाई अभियानका बारेमा जानकारी गराईएको थियो ।
