कञ्चनपुर । पुनर्वास नगरपालिका-२ माईली बजारमा म.२ प ४६२५ नम्बरको मोटरसाइकल सोही ठाउँमा रोकिराखेको से.१ त ४१५९ नम्बरको ट्याक्टरमा ठोक्किएर बिहीबार दुर्घटना हुँदा मोटरसाइकल चालक सोही नगरपालिका-५ उदरी बस्ने २१ वर्षीय अभिषेक रानाको मृत्यु भएको छ ।
दुर्घटनामा गम्भीर घाइते भएका उनको मेट्रो अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार २ जनाको सोही अस्पतालमा उपचार भइरहेको छ ।
ट्याक्टर चालकलाई प्रहरीले नियन्त्रणमा लिई यस सम्बन्धमा आवश्यक अनुसन्धान गरिरहेको छ ।
