काठमाडौं । सिरहा, लहान नगरपालिका-३ सप्तऋषि अस्पताल नजिक बस्ने कपिल कुमार कामैतको पूजा मेकानिकल एण्ड इलेक्ट्रिकल वर्कसप ग्यारेजमा विद्युतको तार सर्ट भई गएराति आगलागी हुँदा मेसिनरी सामानहरू, गाडीको सप्टवेयर मेसिन, स्प्रेय मेसिन, स्प्रेय पार्टस, रिन्जहरु लगायतका पार्टसहरु समेत जलेर करिब १ करोड ५० लाख रूपैयाँ बराबरको धनामल नष्ट भएको छ ।
साथै सोही स्थानमा मर्मतको लागि राखेको को.१ च ७०७५ नम्बरको टाटा सुमो र को.१ च ५७५६ नम्बरका कारमा समेत सामान्य क्षति भएको छ ।
गुल्मी, दरवार गाउँपालिका-७ देउराली चारपाला फेदी बस्ने टोप बहादुर बस्नेतको किराना पसल राखेको घरमा गएराति आगलागी हुँदा पसल, पसलका सामान र २ थान मोटरसाइकल जलेर करिब ३५ लाख रूपैयाँ बराबरको धनमाल नष्ट भएको छ । प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनसुन्धान गरिरहेको छ ।
