काठमाडौं / लूनकरणदास गङ्गादेवी चौधरी साहित्यकला मन्दिरले ३०औं वार्षिक उत्सवको अवसरमा चार स्रष्टाहरुलाई सम्मान गरेको छ। साहित्यकलाको बैठकले इतिहासशिरोमणि बाबुराम आचार्य शोध सम्मान, सरस्वती सम्मान र नारायणगोपाल सङ्गीतसम्मानका लागि सम्मानितहरूको नाम घोषणा गरेको थियो ! असोज २९ गते काठमाण्डौमा आयोजित एक भब्य समारोहका बीच स्रष्टाहरु सम्मानित गरिएका हुन् ।
सम्मानित हुने स्रष्टाहरुमा प्रा. विद्यानाथ उपाध्याय भट्टलाई इतिहासशिरोमणि बाबुराम आचार्य शोधसम्मान, नेपाल प्रज्ञा–प्रतिष्ठानका पूर्व उपकुलपति डा. विष्णुविभु घिमिरे तथा कवि एवम् व्यङ्यकार लक्ष्मण नेवटियालाई सरस्वतीसम्मान तथा सङ्गीतकार झुमा लिम्बूलाई नारायणगोपाल सङ्गीतसम्मान रहेका छन् । स्रष्टा सम्मान समारोहलाई कलामन्दिरका संस्थापक अध्यक्ष एबम् संरक्षक वसन्तकुमार चौधरीले सम्बोधन गर्नु भएको थियो, समारोहका प्रमुख अतिथि अभिनेत्री मनिषा कोईराला हुनुहुन्थ्यो भने समारोहको अध्यक्षता कलामन्दिरका अध्यक्ष मेघा चौधरीले गर्नु भएको थियो ।
कार्यक्रमको सञ्चालन साहित्यकार राजेन्द्र सलभले गर्नु भएको थियो भने स्रष्टाहरुका रचनाहरुको छोटो समिक्षा साहित्यकार रमण घिमिरेले गर्नु भएको थियो । कार्यक्रमको अन्त्यमा वरिष्ठ साहित्यकार हरिहर शर्माले धन्यबाद ज्ञापन गर्नु भएको थियो ।
