काठमाडाैं । स्थापनाको सोह्रौँ वार्षिकोत्सवलाई भव्य रुपमा मनाउने उद्धेश्यले प्रोगेसिभ एजुकेसनल फोरम चावहिलद्वरा फोरममा आवद्धता जनाएका दश संस्थागत बिद्यालयहरुको संयुक्त आयोजनामा यहि श्रावण २६ शुक्रवारका दिन राष्ट्रीय नाचघर जमलमा एक भव्य कार्यक्रमको आयोजना गरि मानाउने जनाईएको छ ।
उक्त कार्यक्रममा बरिष्ठ गायक दीप श्रेष्ठलाई सम्मान गर्नुका साथै फोरमभित्रका विद्यालयमा लामो समयदेखि अध्यापन गर्ने र कार्यरत कर्मचारीहरूलाई दीर्घकालीन सेवा सम्मान तथा बिद्यालयबाट एस् ई ई परिक्षामा उत्कृष्ट नतिजा ल्याउन सफल बिद्यार्थीहरुलाई सम्मान अर्पणका साथै नृत्य तथा गायन प्रतियोगिता गरि पुरस्कार बितरण गर्ने समेत जनाईएको छ । प्याब्सनको छाता संगठनभित्र आवद्धता रहेका विद्यालयमा शैक्षिक र अतिरिक्त कार्यक्रमलाई संचालित गर्न फोरमले विद्यालयविच वर्षभरि हस्तलेखन,कविता बाचन ,वक्तृत्वकला हाजिरीजवाफ,चित्रकला,वादविवाद, नेपाली र अङ्ग्रेजी हिज्जे प्रतियोगिता ,कथावाचन बास्केटवल,फुटवल जस्ता विविध किसिमका प्रतियोगितात्मक अतिरिक्त क्रियाकलाप समेत गर्दै आईरहेको छ ।
कार्यक्रममा शिक्षाक्षेत्रका धरोहरका रूपमा रहेका फोरमभित्रका सबै विद्यालयका संस्थापक, प्राचार्य,निर्देशक, विद्यालय व्यवस्थापन समितिका अध्यक्ष ,निर्देशक,शिक्षक शिक्षिकाको साथै शिक्षासेवी तथा समाजका लब्धप्रतिष्ठित व्यक्तित्वहरुको उपस्थितिमा कार्यक्रमलाई भव्य रुपमा सम्पन्न गरिने जनाईएको छ ।
यसरी संस्थागत विद्यालयहरूद्वारा बेलाबेलामा आयोजना गरिने यस्ता विविध कार्यक्रमहरुका माध्यमले विद्यार्थीहरूको चौतर्फी विकासका लागि टेवा पुग्नेछ । -जयराम बिडारी
