काठमाडौं । नेपाली राष्ट्रिय फुटबल टोलीले फिफा विश्वकप २०२६ को छनोटको प्रारम्भिक चरणको तयारी गरिरहेको छ।
उक्त तयारीका लागि नेपालले म्यानमारसँग दुई मैत्रीपूर्ण खेल खेल्ने तय भएको छ। नेपालले अक्टोबर दोस्रो साता विश्कप छनोटको दोस्रो चरणमा प्रवेशका लागि लाओससँग होम एन्ड अवेका आधारमा प्लेअफ खेल्दै छ। यदि नेपालले दोस्रो चरणमा स्थान बनाएमा युएई, बहराइन तथा यमन र श्रीलंका बिचको विजेतासँग प्रतिस्पर्धा गर्नेछ। दोस्रो चरणका खेलहरू होम एण्ड अवेका आधारमा नोभेम्बर २०२३ र २०२४ को जुनमा हुने छ।
पहिलो चरणको तयारीका लागि सेप्टेम्बर ८ र ११ मा म्यानमारसँग मैत्रीपूर्ण खेल खेल्ने पक्का भएको हो। दुवै खेल म्यानमारको यांगोनमा आयोजना हुनेछन्। प्रशिक्षक भिन्सेन्जो अल्बर्टो अनेसेले विश्वकप छनोटका लागि प्रारम्भिक टोलिको घोषणा गरिसकेका छन्। क्लोज क्याम्पमा डुरान्ड कप खेलिरहेको त्रिभुवन आर्मी क्लब र एएफसी कप प्लेअफ खेल्न लागेको मच्छिन्द्र क्लबका खेलाडी बाहेक अन्य टिमका खेलाडीहरू सहभागी रहेका छन्। प्रारम्भिक टोलीमा ३० खेलाडी बन्द प्रशिक्षणमा रहेका छन्।
यस्तो छ ३० सदस्यीय प्रारम्भिक टोली: गोलरक्षक: किरण चेम्जोङ, अनिष देउला, अभिषेक बराल, दीप कार्की डिफेन्डर: विमल पाण्डे, सनिश श्रेष्ठ, अनन्त तामाङ, देवेन्द्र तामाङ, आशिष गुरुङ, रोहित चन्द, सिमान्त थापा, अन्जल महर्जन, छिरिङ लामा, अन्जन राई मिडफिल्डर: एरिक विष्ट, सुदीप गुरुङ, लाकेन लिम्बु, आवास लामिछाने, उत्सव राई, विशाल तामाङ, विवेक पौडेल, क्रितिश रत्न छुन्जु, सन्तोष खत्री, कुशल फुयाल फरवार्ड: आयुष घलान, नवयुग श्रेष्ठ, अन्जन विष्ट, मनिष डाँगी, आशिष चौधरी, विमल घर्ती मगर, जिलेस्पी जंग कार्की, दिनेश हेन्जन, हिसुब थपलिया