काठमाडौं । अल नासर अरब च्याम्पियन्स कपको क्वाटरफाइनलमा प्रवेश गरेको छ । समूह चरणको अन्तिम खेलमा जामालेकसँग १–१ को बराबरी खेल्दै अल नासर समूह उपविजेताको रुपमा नकआउट चरणमा पुगेको हो ।
खेलको ५४ औँ मिनेटमा जिजोले पेनाल्टीमा गोल गर्दै जामालेलाई सुरुवाती अग्रता दिलाएका थिए । तर, रोनाल्डोले ८७ औँ मिनेटमा हेडरमार्फत बराबरी गोल गर्दै अल नासरलाई क्वाटरफाइनलमा प्रवेश गराए । यो खेलमा अल नासर पराजित भएको अवस्थामा जामालेक समूह उपविजेता बन्दै नकआउट चरणमा प्रवेश गर्ने समीकरण थियो ।
अरब च्याम्पियन्सको समूह सीको उपविजेता बनेको नासरले समूह चरणमा ३ खेलमा ५ अंक जोड्दा अल सबाब ३ खेलमा ७ अंकसहित शीर्ष स्थानमा रह्यो । अल नासरले अब ६ अगस्टमा हुने क्वाटरफाइनलमा मोरक्कोको राजा कलासाबान्कासँग खेल्नेछ ।
