सिमकोट – जिल्लाको उत्तरी क्षेत्रमा पर्ने नाम्खा गाउँपालिका–५ को नारा लेकमा बेवारिसे अवस्थामा भेटिएको लासको पोस्टमार्टम गर्ने कार्य भएको छ।
सनाखद नभए पनि घटनास्थलमा पुगेर प्रहरीले बोकेर ल्याई जिल्ला अस्पतालमा पुर् याएपछि प्रक्रिया पूरा गरी पोस्टमार्टम गरिएको हो।
प्रहरी नायब उपरीक्षक भीमलाल भट्टराईका अनुसार शवको सनाखत हुन नसके पनि अस्पतालमा पोस्टमार्टम कार्य पूरा भएको छ।
लासको सनाखत नभए पनि पोष्टमार्टम गर्नै पर्ने भएकाले त्यो पूरा भए पनि आफन्त पत्ता लाग्ने आशाको कारण लास जलाउन अझै दुई, चार दिन लाग्नेछ। त्यतिबेलासम्म आफन्त सम्पर्कमा आएनन् भने प्रहरीले प्रक्रिया मिलाएर दाहसंस्कार गरिने जनाएको छ।
तीन दिनअघि उक्त लास नाम्खा गाउँपालिका– ५ को नारा लेकमा बेवारिसे अवस्थामा भेटिएको थियो। स्थानीयले नारा लेकको चोर लाग्नामा शव फेला पारेलगत्तै प्रहरीलाई खबर गरेका थिए।
त्यसपछि सिमकोटको प्रहरी टोली घटनास्थलमा पुगेर लास जिल्लामा ल्याएको थियो। करिब ५६ वर्षको उमेर भएकोे शव भारतीय नागरिक हुन सक्ने प्रहरीको भनाइ छ।
पाँच फिट ६ इन्च उचाइ भएको, शरीरको माथिल्लो भागमा किरमिरे फुलबुट्टे धर्का भएको सर्ट र तल्लो भागमा निलोमा कालो धर्का भएको धोती लगाएको मानिसको लास असार २२ गते नारा लेकमा भेटिएको थियो। यो हुलियासँग मिल्ने कोही कसैलाई जानकारी भए प्रहरीलाई खबर गर्न पनि प्रहरीले आग्रह गरेको छ।
