काठमाडाैं । नेपाल नागरिक उड्डयन प्राधिकरणले हवाई भाडा घटाएको छ । नेपाल आयल निगमले मंगलवारदेखि लागू हुने गरी हवाई इन्धनको मूल्य प्रतिलिटर १४ रुपैयाँले घटाएसँगै हवाई भाडा ७५० रुपैयाँसम्म घटेको छ ।
प्राधिकरणले वायुसेवा कम्पनीहरूलाई भोलि (बुधवार)देखि नै लागू हुने गरी हरेक सेक्टरमा भाडा घटाउन निर्देशन दिएको छ । प्राधिकरणले इन्धनको मूल्य घटेपछि वायुसेवा कम्पनीहरूलाई भाडा घटाउन परिपत्र गरेको छ । घटेको भाडा बुधावारदेखि नै लागू हुने भएको छ ।
प्राधिकरणका अनुसार आन्तरिक उडानका सबै सेक्टरमा इन्धनको मूल्यको अनुपातमा न्यूनतम् ६० रुपैयाँदेखि अधिकतम ७५० रुपैयाँसम्मले भाडा घट्ने भएको छ ।
प्राधिकरणले इन्धनको लगत घटाउने भनेपछि वायुसेवा कम्पनीहरूले हवाई टिकटमा नै जोडेर लिने इन्धनको मूल्यका कारण यात्रुले तिर्ने टिकटमै भाडा घट्ने छ । यस्तो छ नयाँ भाडादरको सूची
