काठमाडाैं । ऐतिहासिक सम्पदा रहेकाे टाेखाको कोठु गणेश , नारायण मन्दिर र सङ्कटामाइ मन्दिर पुर्ननिर्माण हुने भएकाे छ ।
नेपालको प्राचीन ऐतिहासिक, साँस्कृतिक र पुरातात्विक सम्पदाकाे संरक्षण गर्दै आएकाे पुरातत्त्व विभागद्वारा टाेखाको कोठु गणेश , नारायण मन्दिर र सङ्कटामाइ मन्दिर पुर्ननिर्माणका लागि डिपिआरको लागि नापजाँच सम्पन्न गरिएको हाे ।
नापजाँचमा पुरातत्व विभागका आर्कीटेक्ट इन्जिनियरद्वय, टाेखा नगरपालिका ३ का वडा अध्यक्ष रमेश डंगोल, टाेखा संस्कृति संरक्षित क्षेत्र विकास समितिका अध्यक्ष गणेशमान श्रेष्ठ, नेवा: गूथि टाेखाका अध्यक्ष रमेश नापित, सङ्कटा मन्दिर गूठीका सदस्य कृष्ण डंगोललगाएतका उपस्तथिती रहेकाे थियो ।
समाजसेवी तथा सम्पदा अभियन्ता देवराज डंगोलकाे पहलमा टाेखा नगरपालिका, पुरातत्त्व विभाग र विभिन्न राजनीतिक दलहरूसंगको सहकार्यमा सपनतिर्थ मन्दिर, चण्डेश्वरी महादेव मन्दिर, चण्डेश्वरी द्य: छें, विभिन्न परम्परागत पाटिहरु पुर्ननिर्माण सम्पन्न भएका छन् ।
नापजाँच भएका उक्त सम्पदा मौलिक स्वरूप र शैलीमै पुनर्निर्माण हुने सपनतिर्थ विकास समितिका अध्यक्ष देवराज डंगोलले बताउनुभयो ।
टोखाको भुभागमा भित्र प्राचीनकालदेखिनै चल्दै आएको संस्कृतिक परम्पराहरू टोखाको सांस्कृतिक र परम्परालाई बोध गराउने , संरक्षण गर्ने र प्रचार प्रसारमा विगत देखि वर्तमानसम्म सपनतीर्थ विकास समितिलेनै गर्दै आएका छन्।