सीपीसीका सदस्यहरू ९ करोड ८४ लाख पुग्याे

बेइजिङ । चिनियाँ कम्युनिष्ट पार्टी (सीपीसी)का सदस्यहरू ९ करोड ८४ लाख पुगेका छन्।

सन् २०२२ को अन्त्यसम्ममा पार्टीका सदस्यहरू करिब १० करोडको हारहारीमा पुगेका छन्। चिनियाँ कम्युनिष्ट पार्टी केन्द्रीय समितिको संगठन विभागले शुक्रबार गरेको घोषणा अनुसार यसका सदस्य ९ करोड ८४ लाख पुगेको उल्लेख छ। जुलाई १ मा चिनिया कम्यनिष्ट पार्टीको १०२ औं स्थापना दिवसको पूर्व सन्ध्यामा सो जानकारी दिइएको हो।

तथ्यांक अनुसार सन् २०२१ देखि यो संख्या लगभग १.३३ मिलियन अथवा १.४ प्रतिशतले बढेको पाइएको छ।