भरतपुर – तत्कालीन प्रधानमन्त्री केपी ओलीको निर्देशनमा पशुपतिमा जलहरी राखिएको भए पनि अहिले त्यो आफ्नो विषय नभएको बताएका छन्।
बिहीबार चितवन पुगेका ओलीले जलहरी आफ्नो विषय नभएको भन्दै पन्छिन खोजेका हुन्। ओलीले भने, ‘आफू सरकार प्रमुख हुँदा पशुपति क्षेत्र विकास कोषलाई रकम दिने मात्र निर्णय गरेको हो।’
अख्तियारले छानबिनका लागि झिक्दा जलहरीमा तत्कालीन राष्ट्रपति विद्या भण्डारी र ओलीसहित १३ जनाको नाम लेखाएको पाइएको छ।
वाकपटुताका धनी ओलीले जलहरी काण्डबारे सोधेको प्रश्नमा भने, ‘एक जनाले भनेको सुनियो, सुन होइन, पित्तल चढाएको, त्यहाँ पनि भ्रष्टाचार भएको छ। अलिक दिन त्यसले पनि मार्केट पायो।’
नाम लेखाएका आलीले आफूलाई जलहरीको बारेमा नसोध्न आग्रह गर्दै भने, ‘केही दिनपछि ११ किलो सुन कहाँ गयो? यो मेरो विषय हो र तपाईंहरुले मलाई सोधेको?’
असार १५ असारमा धान दिवस मनाउन ओली चितवन पुगेका छन्। धान दिवस मनाउन चितवन नै किन रोज्नुभएको हो भन्ने प्रश्नमा ओलीले भने, ‘राम्रो धान फल्ने जिल्ला भन्ने सुनेको छु, कृषिलाई आधुनिकीकरण गर्नुपर्यो, कृषि विश्वविद्यालय यहीँ छ। विश्वविद्यालयले कृषिको विकासका लागि योगदान गर्नुपर्यो।’
ओलीले सरकारले ल्याएको बजेट पास भए पनि यसले जनताको चाहनाअनुसार काम गर्न नसक्ने टिप्पणी गरे।
