वीरगञ्ज – यौनधन्दा चलाएको आरोपमा वीरगञ्जबाट एक होटेल सञ्चालकसहित आठ जनालाई प्रहरीले पक्राउ गरेको छ। यौन धन्दा चलाएको सूचनाको आधारमा खटिएको प्रहरी टोलीले बिहीबार साँझ वीरगञ्जको एक होटेलमा छापा मारेको थियो।
वीरगञ्ज महानगरपालिका–१५ बसपार्कस्थित होटेल लक्ष्मी एण्ड पार्टी प्यालेसमा छापामारी गरि प्रहरीले यौन धन्दामा सँलगन रहेको आरोपमा सञ्चालकसहित आठ जनालाई पक्राउ गरेको हो ।
पक्राउ पर्नेमा होटेल सञ्चालक,दुई जना पुरुष ग्राहक र पाँच जना केटीहरु रहेको पर्साका प्रहरी प्रबक्ता डिएसपी दीपक गिरीले जानकारी दिए। पक्राउ परेका आठै जनालाई अभद्र ब्यवहार मुदामा प्रहरी हिरासतमा राखी थप अनुसन्धान भइरहेको गिरीले बताए ।
