काठमाडौं उपत्यका खानेपानी लिमिटेड (केयूकेएल) ले सोमबार काठमाडौंमा पत्रकार सम्मेलन गरी यस्तो जानकारी दिएको हो । गत मंसिरदेखि मेलम्चीको पानी काठमाडौंको चक्रपथभित्रका अधिकांश स्थानमा वितरण गरिएको छ ।
सिन्धुपाल्चोक हेलम्बुको अम्बाथानस्थित हेडवर्क्सको गेट नम्बर १ र ९ अडिट सुरुङमा मेकानिकल पार्ट्सको जडान गरिने भएको छ । आयोजनाका कार्यकारी निर्देशक कमल प्रसाद श्रेष्ठका अनुसार हेडवर्क्स मर्मत गरेर सकेसम्म वर्षामा पनि पानी वितरण नरोकिने गरी संरचना बनाइनेछ ।
२०७८ असारमा आएको बाढीले आयोजनाको हेडवर्क्सलाई क्षति गरेको थियो । हेडवर्क्स अहिलेसम्म पनि बनेको छैन । बाढीको खतरा कायम रहेकाले अस्थायी रुपमा मात्र पानी काठमाडौं ल्याइएको छ ।
अवलोकनका क्रममा राष्ट्रिय सभाका अध्यक्ष तिमल्सिनाले सरकारले मेलम्चीको पानी राजधानी पुर्याउन प्राथमिकता नदिएको आरोप लगाए । उनले अन्य क्षेत्रको बजेट कटौती गरेर भए पनि राष्ट्रिय प्राथमिकताप्राप्त उक्त आयोजानको पुनः निर्माणमा जोड दिनुपर्ने बताए ।
उनको नेतृत्वमा समितिकी सभापति दिलकुमारी रावल(पार्वती) सहितको सांसदहरुको टोलीले हेडवर्क्स स्थलमा बाढीले ध्वस्त पारेको भौतिक संरचना र अस्थायी अम्बाथान टनेलको अवलोकन गरेको थियो ।
समितिले हेडवर्क्सको संरचना पूनर्निर्माणका लागि सरकारलाई घच्घच्याउने जनाएको छ । हेडवर्क्ससँगै काठमाडौंको सुन्दरीजलस्थित पानी प्रशोधन केन्द्रको समितिले निरीक्षण गरेको छ । समितिलाई आयोजनाका कार्यकारी निर्देशक श्रेष्ठले बाढीपछि अहिलेसम्म गरेको कामको विवरण सुनाए । श्रेष्ठका अनुसार वर्षामा बाढीले क्षति गर्ने भयले अम्बाथानको मुख्य सुरुङको मुख बन्द गरिएको छ । संसदीय टोलीले आयोजानको अवस्थाका विषयमा जानकारी लियो ।
