काठमाडौं / नेकपा राष्ट्रिय एकता अभियानका अध्यक्ष एबम् राष्ट्रियसभा सदस्य वामदेव गौतमले संविधान संशोधन गरी प्रत्यक्ष निर्वाचित कार्यकारीको प्रबन्ध गर्न सुझाव गर्नु भएको छ । राष्ट्रियसभाको सोमबार बसेको बैठकमा गौतमले शासकीय प्रणाली र निर्वाचन प्रणालीमा सुधार नगर्दासम्म देशमा सुशासन दिन नसकिने र कुनै पनि परिवर्तन हुन नसक्ने जिकिर गर्नुभएको छ ।
गौतमले कृषि क्षेत्रको आमूल परिवर्तन नभइकन देशको आर्थिक परिवर्तन र सुधार हुन नसक्ने भएकाले त्यसमा ध्यान दिन सरकारको ध्यानाकर्षण गराउनु भयो । बलिदान र त्यागबाट राजनीतिक व्यवस्था परिवर्तन भए पनि खास अर्थमा आर्थिक, सामाजिक अवस्थामा कुनै सुधार नभएकाले त्यसमा ध्यान दिनुपर्ने गौतमको सुझाव रहेको छ ।
आगामी आर्थिक वर्षको विनियोजन विधेयकका सिद्धान्त र प्राथमिकता ९कर प्रस्तावबाहेक० सम्बन्धमा भएको छलफलमा भाग लिँदै अर्का सांसद नरबहादुर विष्टले कृषि क्षेत्रको आधुनिकीकरण नगरिकन रोजगारी र आर्थिक वृद्धिको सम्भावना नभएको जनाउनु भएको छ ।
