काठमाडौं । युट्युबकाे नयाँ लेआउट लिक भएको छ । हालको यूएक्स/यूआईलाई परिवर्तन गर्दै तयार भएकाे नयाँ डिजाइन विभिन्न सञ्चारमाध्यम र सामाजिक सञ्जालमार्फत बाहिरिएकाे हाे ।
केही प्रयोगकर्ताले युट्युबकाे नयाँ लेआउट सामाजिक सञ्जालमा स्क्रिनशट शेयर गरेका छन् । ‘@sindowne‘ नाम गरेका एक ट्वीटर प्रयोगकर्ताले युट्युबको नयाँ लेआउट स्क्रिनशट शेयर गर्दै असन्तुष्टि पोखेका छन् ।
त्यस्तै ‘@XenoPanther‘ ले ‘कसैको युट्युब यस्तो देखिन्छ?’ भनेर प्रश्न गर्दै नयाँ डिजाइनको स्क्रिनसशट शेयर गरेका छन् ।
उनीहरू नयाँ डिजाइनको परीक्षणका लागि गुगलले पहुँच दिएको प्रयोगकर्ता भएको बताइएको छ । उनीहरूले शेयर गरेको पोस्ट हेर्दा नयाँ डिजाइनमा भिडिओ प्ले हुने ठाउँ अहिलेकोमा नै भएको देखिन्छ ।
तर डिस्क्रिप्सन, टाइटल र कमेन्ट बक्स भने भिडिओको दायाँ भागमा राखिएको छ । यो भागको ठीक मुनि लाइक, डिसलाइक, शेयर, डाउनलोड जस्ता अप्सन राखिएका छन् । यस भागको तल भने खाली देखिन्छ ।
holy fuck the new youtube ui is ass pic.twitter.com/w8er7j8tBA
— Sindowne???????? (@sindowne)
त्यस्तै ‘भिडिओ एन्ड कन्टेन्ट सजेसन’ भने भिडिओ प्ले हुने ठाउँको ठीक तल राखिएको छ, जहाँ धेरै भिडिओहरू सजेसनमा आएको देख्न सकिन्छ ।
यसबाहेक अन्य धेरै ठाउँमा खाली भाग देखिन्छ । ती खाली ठाउँमा के राखिनेछ भनेर खुलाइएको छैन ।
यद्यपि यो नयाँ डिजाइनबारे धेरै कुरा बाहिरिएको छैन । तर ती डिजाइन हेर्दा सर्वसाधारणलाई अहिले नै गुगलले उपलब्ध गराउनेमा आशंका छ ।
यसबारे गुगलले कुनै पनि आधिकारिक जानकारी दिएको छैन । मे १० मा हुने गुगल आई/ओ २०२३ मा यसबारे थप बताउन सक्ने आँकलन गरिएको छ ।
Has anyone else’s YouTube looked like this? pic.twitter.com/1bjeWC2xFA
— Xeno ????⬛ (@XenoPanther)
