काठमाडौं । मनोज बराइलीको शब्द/संगीतमा नयाँ लोक दोहोरी गीत अध्यारोमा चप्पल साटियो सार्वजनिक भएको छ ।
विगत लामो समयदेखि नेपाली सांगीतिक क्षेत्रमा लागेका बराइली केहि वर्षदेखि सांगीतिक क्षेत्रबाट टाढा रहेका थिए तर यो गीत सार्वजनिक भएसगैँ उनी पुन:नेपाली साङ्गीतिक क्षेत्रमा उदाएका छन । प्रेम कहानीमा आधारित यस लोक दोहोरी गीतमा गाउँघरमा हुने पुजाको राती रमाइलो गर्ने क्रममा जम्मा भएका केटा केटीको चप्पल साटिएर पछी गाउँघरमा एक अर्काको कुरा काटेर अझ भनौ जिस्काएर बोलाएको कुरालाई समेटिएको छ ।
साथै गीतमा केटा र केटिको प्रेमको सुरुवात पनि एक अर्काको चप्पल साटीएपछी बसेको यस गीतमा देख्न सकिन्छ । यस गीतका रचनाकार मनोज बराईली भन्छन“ मैले आफ्नो गाउँमा हुने पुजाको सांङग्यमा धेरै मानिसहरु जम्मा हुने र सोही क्रममा कतिका चप्पल जुत्ता साटिने गरेका हुन्छन,मेरै पनि कैयौं पटक साटिएको छ,त्यसैले पनि मैले यो गीत रचना गर्दा तिनै पुराना गाउँघरका कुरालाई सम्झेर यो गीत लेखेको हुँ । ”
यस गीतमा स्वर चर्चित गायिका अस्मीता अधिकारी र सविन सुवेदीको रहेको छ भने,म्यूजिक एरेञ्ज नरेन्द्र वियोगीले गरेका छन । राहुल बराईलीले निर्देशन तथा कोरियोग्राफर गरेको यस म्यूजिक भिडियोमा अभिनय विजय पुन,सरोज राना प्रजा,गीता साही र सिता साहीले गरेका छन । रेकर्डिस्ट समिर कार्कीले रेकर्ड गरेको यो गीत वेभ स्टुडियो अनामनगरमा रेकर्डिङ भएको हो । मुकेश हुमागाईको छायांकन, मिन रावलको सम्पादन रहेको गीतमा कन्सेप्ट भने अलोन रेशमले गरेका छन । साईराम पिक्चर डिल्लीबजारबाट पोस्ट प्रोडक्सन भएको यो गीत मगर पुन म्यूजिक युट्युव च्यानलबाट सार्वजनिक गरिएको छ ।
