एजेन्सी म्याड्रिड । करिम बेन्जेमाले सात मिनेटको अन्तरमा गरेको ह्याट्रिकको मद्दतले रियल म्याड्रिडले आइतबार स्पेनी ला लिगामा रियल भालाडोलिडलाई सजिलै ६–० ले हराएको छ ।
यो जितपछि रियलले शीर्षमा रहेको बार्सिलोनासँगको दूरी १२ अंकमा कायम राखेको छ । बार्सिलोना ७१ अंकमा शीर्ष स्थानमा छ भने रियलको ५९ अंक रहेको छ ।
एटलेटिको म्याड्रिड ५४ अंकमा तेस्रो स्थानमा रहेको छ । एटलेटिकोले अर्को खेलमा रियल बेटिसलाई १–० ले पराजित गरेको छ । चौथो स्थानमा रहेको रियल सोसिडाड भने भिल्लारियलको हातबाट २–० ले पराजित भयो । सोसिडाडको ४८ अंक छ । भिल्लारियल भने ४४ अंकसहित छैटौं स्थानमा छ ।
