टोखा । अन्तराष्ट्रिय मातृभाषा दिवसको अवसरमा नेपाभाषा क्लब टोखा र नेवाः ग्वाहाली पुच टोखाको आयोजनामा मंगलबार फागुन ९ गते भव्य रुपमा मनाएको छ ।
टोखा न.पा. २, ३ नं वडामा मातृभाषाबाट अध्यापन अधिकार सुनिश्चित गर, मातृभाषा दिवसको उपलक्ष्यमा शुभकामना, भाषा बाँचे हाम्रो पहिचान बाँच्छ, भन्ने मूल नाराका मनाएको कार्यक्रममा टोखा नगरपालिका वडा नं. अवस्थित गणेश पोखरी प्रङ्गनमा कोणसभामा परिणत भएको थियो ।
नेपालभाषा अभियान्ता एवम् सुकुन्दा साहित्य पाःलाः अध्यक्ष प्रशान्त डंगोलले मातृभाषाको महत्त्व आवश्यकताबारे प्रत्याउँदै नेपालभाषा अभियान रत्न राज्यलक्ष्मी क्याम्पसमा वि.सं. २०७४ सालमा स्नातक तहमा तथा वि.सं. २०७८ कार्तिक २६ गते देखि स्नातकोत्तर तहमा नेपालभाषा विषयकाे अध्यापन गराउन एैतिहासिक कार्य भएकाे जनाउँदै करबि सुकुन्दा दँपाै प्रकाशन गरेकाे जनाउँदै अबको अभियाना भनेको नेवाः विश्वविद्यालय स्थापना भएकाले साे अभियान सफल बनाउन सम्पूर्ण मातृभाषा अनुरागीहरूलाई सहयाेग गर्न अपिल गरे ।
कार्यक्रममा नेवाः ग्वाहाली पुचः को अध्यक्ष श्रीकृष्ण मानन्धरले देशमा रहेको अन्तरराष्ट्रिय मातृभाषा दिवसकाे एैतिहासिक महत्वका बारेमा धारणा राख्दै देशमा अझै पनि भाषिक अधिकार पूर्ण रूपमा स्थापना नभएकाले लोकतन्त्र गणतन्त्र आएकाे आभाष नभएकाले मातृभाषा शिक्षाका सवालमा विभेद अन्त्य गरी देशमा रहेका सम्पूर्ण मातृभाषा शिक्षा लागू गर्नु पर्नेमा जोड दिनु भयो ।
