काठमाडौं । नेपाल एपीएफ क्लबले इटहरीमा जारी प्रधानमन्त्री कप महिला टी–२० क्रिकेट प्रतियोगितामा दोस्रो जित निकालेको छ । इटहरी क्रिकेट मैदानमा आइतबार भएको खेलमा एपीएफले बागमती प्रदेशलाई ५३ रनले हरायो ।
एपीएफले दिएको एक सय ३७ रनको विजयी लक्ष्य पछ्याएको बागमती २० ओभरमा नौ विकेटको क्षतिमा ८३ रनमा समेटिएको थियो । बागमतीका लागि ओपनर हेलिशा गुरुङले सर्वाधिक २२ रन बनाउनुभयो । सोनी पाख्रिनले १३, कन्चन श्रेष्ठले ११ र कप्तान अस्मिना कर्माचार्यले १० रन बनाउनुभयो ।
बलिङमा एपीएफका निशा भट्ट र कप्तान सिता रानामगरले तीन तीन विकेट लिनुभयो । यसअघि पहिले ब्याटिङ गरेको एपीएफले २० ओभरमा चार विकेटको क्षतिमा एक सय ३६ रन बनाएको थियो। एपीएफका लागि इन्दु बर्माले ३८, कप्तान सिता रानामगरले ३६, नेरी थापाले १९ र ज्योती पाण्डेले १५ रन बनाउनुभयो ।
बलिङमा बागमतीका अस्मिना कर्माचार्य, मनिशा उपाध्याय, खुसी डंगोल र सोनी पाख्रिनले एक एक विकेट लिनुभयो । जितसँगै चार अंक बनाएको एपीएफ समूह ‘ए’ को शीर्षस्थनमा छ । अंकबिहिन बागमती अन्तिममा छ ।
