विराटनगर । बैंकले चर्को ब्याज लिएको विरोधमा आन्दोलनमा उत्रिएका मोरङका उद्योगी व्यवसायीले आन्दोलन स्थगित गरेका छन् । नवनियुक्त अर्थमन्त्री विष्णु पौडेलले वार्तामा बोलाएको भन्दै उनीहरुले आन्दोलन स्थगित गरेका हुन् ।
सोमबार अर्थमन्त्री नियुक्त भएका पौडेलले सोमबार नै उद्योगी व्यावसायीलाई वार्तामा बोलाएका थिए । अर्थमन्त्रीले वार्तामा बोलाएपछि आन्दोलन स्थगित गरेको मोरङ व्यापार संघ का अध्यक्ष नविन रिजालले जनाए । सरकारले माग सम्बोधन गर्ने आश देखाएको बताउँदै उनले माग सम्बोधन नभए पुन: सडक आन्दोलनमा फर्किने जनाए ।
अर्थमन्त्रीले वार्तामा बोलाएपछि आफ्ना मागसहित वार्तामा जाने रिजालले जनाए । वार्ता टोलीमा सहभागी हुन विराटनगरबाट ६ जनाको टोली जानेछ ।
