काठमाडौँ- जनता समाजवादी पार्टीका अध्यक्ष उपेन्द्र यादवले नेकपा एमालेका अध्यक्ष केपी शर्मा ओलीसँग बिहीबार भेट गरेका छन्।
दुई नेताबीच बालकोटस्थित ओली निवासमा भेट भएकाे हाे । दुई नेताबीच सत्ता समीकरणबारे छलफल भएको स्रोतले जानकारी दिएको छ ।
सरकार गठनमा कांग्रेस नेतृत्वको गठबन्धन सक्रिय देखिए पनि ओली पनि भेटघाटमा व्यस्त छन्।
राष्ट्रपति विद्यादेवी भण्डारीले दुई वा दुईभन्दा बढी दलहरु मिलेर सरकार गठनका लागि दाबी गर्न दलहरुलाई सात दिनको समय दिएकी छन्।
बिहीबार सांसदहरुको शपथग्रहण सकिएपछि सत्ता समीकरणको छलफल तीव्र भएको छ।
