काठमाडौं । मोरङ, धनपालथान गाउँपालिका-१ गडेरिया जतहरा टोल बस्ने मुबारक मिँयाको २ वटा घर, नजिकै रहेको भान्सा घर, नजिकै रहेको परालको कुन्यु र सोही ठाउँ बस्ने साजिद मिँयाको ग्वाली घरमा समेत मंगलबार दिउँसो आगलागी हुँदा करिब १५ लाख रूपैयाँ बराबरको धनमाल जलेर नष्ट भएको छ ।
खोटाङ, जन्तेढुङगा गाउँपालिका-३ काहुले बस्ने शिवजी राईको घरमा मंगलबार दिउँसो आगलागी हुँदा घर र घर भित्र रहेका नगद तथा जिन्सी सामानहरू समेत जलेर करिब ४ लाख ३२ हजार रूपैयाँ बराबरको धनमाल नष्ट भएको छ । म्याग्दी, बेनी नगरपालिका-१ रत्नेचौर बस्ने ७८ वर्षीय पदम बहादुर रावलको घरमा मंगलबार राति आगलागी हुँदा घर पूर्णरूपमा जलेर नष्ट भएको छ । आगलागीबाट भएको क्षतिको विवरण हाल खुलेको छैन ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
