काठमाडौं । गण्डकी प्रदेश सरकारका वन तथा वातावरणमन्त्री दीपक मनाङेले पदबाट राजीनामा दिएका छन्।
सोमबार एमालेका चार जना मन्त्री थप हुँदै मन्त्रिमण्डल पुनर्गठन भएपछि मन्त्री मनाङेले राजीनामा दिएका हुन्। स्वकीय सचिव सन्तोष अधिकारीमार्फत् मुख्यमन्त्री सुरेन्द्रराज पाण्डेलाई मनाङेले राजीनामा पत्र पठाएका हुन्।
आफू मन्त्री पदमा धेरै बसेको र अल्छी लागेकाले अब आराम गर्नका लागि राजीनामा दिएको बताएका छन्। मन्त्रीमण्डल पुनर्गठनअघि उनी भौतिक पूर्वाधार विकास तथा यातायात व्यवस्था मन्त्री थिए।


