काठमाडौं । रोल्पा, रून्टीगढी गाउँपालिका-५ धौलाबाङ बस्ने ६६ वर्षीय टेक बहादुर रावत लगायत ३ जनाको घर, गोठमा आइतबार दिउँसो आगलागी हुँदा तीनै जनाको गरी करिब १४ लाख ९९ हजार ५ सय रूपैयाँ बराबरको धमाल जलेर नष्ट भएको छ ।
रूकुम पश्चिम, त्रिवेणी गाउँपालिका-१ दाङचुङ बस्ने दल बहादुर बोहराको घरमा आइतबार राति आगलागी हुँदा घर पूर्णरूपमा जलेर करिब ३ लाख रूपैयाँ बराबरको धनमाल नष्ट भएको छ ।
दैलेख, गुराँस गाउँपालिका-४ रिठा सालघारीस्थित सडकमा सुर्खेतबाट दैलेखतर्फ जाँदै गरेको भे.१ ख ३६०४ नम्बरको मिनि बसमा वाईरीङको तार सर्ट भई आइतबार राति आगलागी हुँदा बस पूर्णरूपमा जलेर नष्ट भएको छ । प्रहरीले स्थानीय बासिन्दाको सहयोगमा आगलागी नियनत्रणमा लिनुको साथै यस सम्बन्धमा थप अनुसन्धान गरिरहेको छ ।


