काठमाडौं । हरेक वर्ष चैत पूर्णिमामा लाग्ने बाइसधारा मेला काठमाडौंको बालाजु बाइसधारामा सम्पन्न भएको छ।
मेलामा हजारौँ भक्तजनले मंगलबार बाइसधारामा नुहाएको बालाजु बाइसधारा मेला आयोजक समितिका अध्यक्ष गोपालकुमार प्रजापतिले जानकारी दिए।
मेलामा स्थानीयका साथै काठमाडौं उपत्यका बाहिरबाट पनि मानिसहरु आएका थिए। अघिल्ला वर्षहरुमा धेरैजसो स्थानीयहरु मेलामा सहभागी हुने भए पनि यसवर्ष बाहिरबाट आएकाहरु धेरै रहेको प्रजापतिले जनाए ।
