काठमाडौं । चितवनको एकता शिशु निकेतन स्कुलको होस्टेलमा शालिन पोखरेल मृत फेला परेको घटनाको सत्यतथ्य छानविन गर्न माग गर्दै विद्यार्थीहरुले काठमाडौंमा प्रदर्शन गरेका छन्।
काठमाडौंको मीनभवन क्याम्पसमा अध्ययनरत विद्यार्थीहरुले प्रदर्शन गरेका हुन्। उनीहरुले घटनाको सत्यतथ्य छानबिन गरी दोषीलाई कडा कारबाही गर्न माग गरेका छन्।
चितवनको रत्ननगर नगरपालिका–१० स्थित एकता शिशु निकेतन स्कुलद्वारा सञ्चालित होस्टेलमा १४ वर्षीया शालीन मृत फेला परेकी थिइन्। कक्षा ८ मा अध्ययनरत उनी फागुन १२ गते झुण्डिएको अवस्थामा मृत फेला परेकी थिइन्।
उनका बुवाआमाले भने बलात्कारपछि हत्या भएको आरोप लगाएका छन्।
